مفيش فايده
أعملوا 1000 ثوره
غيروا 1000 رئيس
الحقيقه الساطعه مُره
مش شعارات تهييس
خلوا المؤمره ثوره
وأنضموا للدواعيش
قول عوزين بلدنا حُره
وفى العمل ما بتأديش
وأنتاجك ما يساوييش
أعماوا 1000 ثوره
غيروا 1000 رئيس
العيب فينا أحنا
ودوروا فى الكواليس
مين خلى تعليمنا فى الدروس
ومايهمهمش غير لم الفلوس
مين خلى مرضنا يبقى كابوس
يبقى واحد مننا
ميب بياخد دعم الغلابه
ويغنى فى أعلامنا ربابه
مين بيسرق منا الغلال
ميب بيتاجر فى الدولار
ومخلى عيشتنا تبقى مرار
يبقى واحد مننا
مين بيغلى فى الأسعار
وعيشه الغلابه تبقى نار
مين بيضيع وقتنا
ويعطل مصالح شعبنا
يبقى واحد مننا
العيب فينا كلنا
مدين أدينا فى جيوب بعضنا
ولا فى دوله تهمنا
بقوانيين وضعها جدنا
لازم نخاف ربنا
علشان نرجع مجدنا
ودى ثقافه شعبنا
أعملوا 1000 ثوره
غيروا 1000 رئيس
الحقيقه
شعارت تهييس
بقلم كابتن |سعيد عبد العزيز الحاجه