خط التماس
............
يااااه ع الحياه ...
معقول يكون فعلا خلاص؟
معقوله تبقى ضحكتك
الطالعه من قلبي أنا
يمكن تسعتاشر سنه
بعد السعاده و الهنا
فوق السطور خطّين رصاص؟
معقول ياناس ..
بنتي اللي كانت كل كوني ودنيتي
ترحل بعيييييد
وتسيبني فوق خط التماس؟
دنا كنت فيها بشوفني شئ
مولود جديد
وكنت فيها بستهجّى العمر عيد
بكتبلها كل القصايد والقصص
وارجع أعيد
يا سايبه جوه الروح نشيد
دنا فيكي حييت العلم
ياغاليه .. نازفه عيوني دم
وحياة عيونك ترحمي
دق الوجع من قلب أم
يا زارعه جوه الروح ألم
لساني فوق كتف الحياه
باستنظرك
...................