يا مصر........ يا ام الولاد الفللى .
.قومى اخبزى
داانا نفسى اكل من ايديكى عيش طرى
ماتشهلى..........
قولى للولد ...هات الوقيد
واتنى كمامو وشمرى
دا العيش هيتحرق اكيد
لو كنتى علية حتصبرى
والجوع دا اصله واد عنيد
واوعى الولد يطلع دنى
ياام الولاد الفللى
******************
ماتقومي ساعة الشقشقة
وتبدري
باديكي المتشققة
يالله ازرعي
وسبيكي من كتر البكى
ع اللي مضى
اصل اللي فات
مش راح يعود
لو حتى ف ادين العدى
واللي بنى مش راح يموت
والرحمة بادين ربنا
يا ام الولاد الفللي
***********************
قلمي عجز عن الكلام
وصباعي فيه راح تنبري
لما ايجه يقول تعظيم سلام
لام الولاد الفللي
البلية طارت وانكسر
بصيت لقيت
الحبر سال زى المطر
وسالت نفسي كام سؤال
يمكن يكون قلمي علي
يمكن من الحزن انفجر
على ام الولاد الفللي
*********** ******** **** *********
محمد ابراهيم عبدالحفيظ