مفكرنا لسه فى سنة أولى
......................................
قولى يا مُزة قولى يا ايناس
و رب العزة انتو أنجاس
قولى و انا عارف مين اللى قايلك تقولى
و قبضك بالدولار زائد عقد لولى
عشان تبقا قضية و نفضل نتكلم
و يتخدر الفقير ما يحس و لا يتألم
قولى ما تخافيش مين اللى قالك
قولى انا عارفه ذلك
و بيضغط عليكى بتصاويره و يجبرك
قولى يا ايناس مين اللى أجرك
قولى يا ايناس مين المعلم
اللى عايزنا بس نفضل نرغى و نتكلم
و لا نحس و لا نتألم
قولى يا نصابة مين رئيس العصابة
خليه يخرج و يتكلم و يعترف بإغتصابه
إغتصابه للكلمة و النفس و الحركة
و عايزنا بس نفضل عايشين بالبركة
قولى يا شلة وسخة
فى كل زمن هى هى النسخة
و بدل ما يشتغلوا على عدونا بيشتغلونا
مفكرنا لسه فى سنة أولى
قولى يا شلة نجسة
مين فى 67 كان سبب النكسة
قولى و لا اقول أنا
و لا بلاش يمكن أقدر اقول بعد سنة
.......................................
محمد أبو المعاطى

ت