خرتها ايه وياك يا دولار
**********
بص معايه بص يا بيه
شوف الجنيه بيعيط ليه
والدولار ضحك عليه
*******
بصى يا خاله وانتى يا عمه
الدولار لامم لمه
والجنيه منه اتغمى
وقع ولاحدش سمى
*******
والله وعملها الدولار
خلى الاسعار تولع نار
البنزين ويا السولار
والكل بقى عايش محتار
*****
والجنيه صُعب عليه
عمال يعيط كل شويه
مش لاقى حبة حنيه
صوتى عليه يا وليه
********
***لا نقاش ولا جدال
الدولار هو الشغال
والجنيه خلاص ضاع
وبكره ها تحلى وتبقى عال
*********
وسع وسع للدولار
ماشى فى طريقه مولع نار
الحق امسك سد طريقه
دا ناوى يخليها تبقى دمار
********
وانت يا جنيه ما تشد حيلك
ندر عليه لا اغنيلك
واحنا معاك كلنا ها نساند
لو فى اخر الدنيا نجيلك
********
على حافظ

أعجبنيإظهار مزيد من التفاعلاتتعليق

التعليقات

اكتب تعليقًا...