من غير كلام
^^^^^^^^
أتكلمي بس أفهمي
من غير كلام مشتاق أوي
بسهر في ليل و أحس موت
ظلام كأني في بطن حوت
و أنا قلبي بيكي بينكوي
تتكلمي هتقولي إيه ؟
و ليه عتابك بتقوليه؟
مبلاش كلام و تقلبي
تتألمي و تغيريه
كلام عتاب و عايزة إيه
خلاص بتدوب اتفرجي
غيرتي ليه طعم الحياة
و سمعتي لما قلت آه
و عايزة تاني تقربي
شوفي الطيور هاجرت
و ضاعت مركبي
متصدقيش شكل الصخور
و لا ميه بين شط البحور
كل الأمور دي و أكدبي
قولي ما كنش فيه شراع
و لا كنش منك يوم ضياع
و كان دا همي و مطلبي
كل اللي ليكي اكسريه
في قلبي يلا و أهربي
دوسي في قلبي و اجرحيه
هيفيد بإيه دا و النبي ؟؟؟؟
^^^^^^^^^^^^^^
بقلم / رمضان العلالقة