مين سرق مصر
مين سرق وبيسرق بلدنا
مين سفر عقول ولادنا
همه خيرنا همه ذدنا
ومصر صابره ومستحمله
مين سرق كلاوى أهلنا
ومستشفيتنا صامته ومتهلهله
مين سرق أسمنت الكبارى
مين سرق أسمنت المبانى
وضمير أجازه لا يبالى
مين سرق صوامع الغلال
وفى الدفاتر أخر تمام
مين سرق دعم الغلابه
ال عيشتهم أخر كأبه
مين سرق تعليم ولادنا
وخلى الدراسه فى الدروس
مين سرق أرض مصرنا
وخد حُجه من ضعاف النفوس
مين سرق أٍعلام الفلوس
مين خلى العالى واطى
وخلى الواطى عالى
مين نشر الفتنه هنا
وخلانا نقتل بعضنا
مين بيسرق حلمنا
نبنى بلدنا كلنا
مين سرق وقت مصرنا
وعطل مصالح شعبنا
ليه سبنا مصر تعالى
وأكتفينا بالأغانى
لازم نشاور كُلنا
على ال سارق حلمنا
تُصرخ قصائد شعرنا
تفضح ال بيسرق مصرنا
بقلم كابتن |سعيد عبد العزيز الحاجه
أعجبني
