آه لو نرجع
@@@@@@@
أسف إني ف يوم حبيتك
وإني عشقتك برضو سنين
وإني حضنتك جوه عيوني
وإني إخترتك بين ملايين
وإني وهبتك صدق مشاعري
وإني وهبتك برضو حنين
وإني سرحت ف بعض همومك
لما لاقيتك كنت حزين
فاكر إنك حاسس بيا
وإني عشاني صرخت أنين
فجأه لاقيت الغدر ف إيدك
لما لاقيت الجرح مهين
تبقي الصدمه يا عيني قويه
لما تكون من نن العين
تبقي الصدمه يا عيني قويه
لو من ناس كانت غاليين
ليه يا حبيبي أذتني بغدرك
جبت الكره دا كله منين
كنت حبيبي وكنت صديقي
قلبنا واحد مش قلبين
أمتي تعود اللمه الحلوه
زي الميه ما بين شطين
زي العصفور لما يروح
يحضن عشه ما بين جناحين
زي النسمه تهل علينا
شيله المسك من الرياحين
أه لو نرجع تاني أحبه
زي الفل مع الياسمين
@@@@@@@@
بقلم // طه إبراهيم
أعجبنيإظهار مزيد من التفاعلات
