إلى كل عاق لوالديه
....................................................................
ياعينى إبكى دم
ويا قلبى شيل الهم
ولدى اللى أنا ربيتو
هوا اللى جابلى الغم
سهرت انا وضحيت
وتعبت انا وربيت
ولما الصحه راحت
قال وانا مالى ياعم
سألتو أنا محتاجلك
إيه اللى عنى شاغلك
ياولدى المرض هدنى
كان ردو زى السم
قال معنتش فاضى
روح اشتكى للقاضى
إزاى هسيب اشغالى
واراعى أب وأم
دمعى سال منى
لما سمعت ابنى
بيحكى لقرايبو
عنى كلام فيه ذم
هشكى بأوسع نطاق
ولدى اللى أصبح عاق
ولدى اللى كنت أبكى
لو يشكى أو يتحم
إيه جرى للدنيا
وللا احنا فى دنيا تانيا
كنا نشيل الأهل
على روسنا كدا ونهتم
دلوقتى ولدك يسيبك
لو يخلى م المال جيبك
ونادى مهما تنادى
أبكم هو وأصم
منير خاطر

تعليق