#وطي_طاطى
تحت باطى وامشي قول للناس أمين
وإنكر أنت إرتباطى
بيك وقول إنك حزين
إن فيه في الكون ده زايى
م الحزانه المخدوعين
وإني عايش شبه ميت من عيون الفزاعين
وإني أصلا #م_الخوارج
أو عمود #الفلتانين
وأنت زي كتير ضحيه
والقضية مش قضية
فالطبيعي تقول في وشي
ليكوا دين
وليه دين
وطى طاطي
هات صراطى تحت رجلين الأمين
وادي 100 مليون تحية
للشهيد عند #الكمين
للي خارج لأجل أمنك
فات في ضهره
أهله أمن لك
ليه تخون من كان مأملك
دي الأمنه يا مؤمنين
وطي طاطى
وأذكر أنت اختلاطى
يوم ما كنا #رأس_و_ديل
يوم ماكنا سلاح وشدة
يوم ماكان في الأمر شدة
عدى يومها بالموده بين جريس وبين حسين
دم سال
بس جاوب على السؤال
يومها كان آخر جمال
لما قال الفرق فين ؟
أنت مصري وهو مصري
هي قالت شعبي خصري
مهما كان لازم تناصري
كل من حبك يا زين
،
#عادل_عوف
نشرت فى 22 يوليو 2016
بواسطة azzah1234
عدد زيارات الموقع
197,111