أشواك الورد
زرعت الورد رويته
بدموعي وإستنيته
يطرح حب وحنية
وفي وقت ربيعة لقيته
أشواك ودا أنا إللي جنيته
عماله بتجرح فيا
إن كنت ياروحي حاببني
ورايدني ماكنت تسيبني
لعزالي يشمتوا فيا
قول ليه تحب تعذبني
ياعنيا هواك غلبني
وقساوتك صعبة عليا
طول بعدك ماهو بيدّي
الفكر يجيب ويوذّي
خد مني مخلاش فيا
وسهرت ليالي طويلة
محروم وقليل الحيلة
بتفيض بالدمع عنيا
ياحبيبي إرحم أحبابك
لإرحم وإفتح أبوابك
أو حتى واربها شوية
بقلم طارق السيد
أعجبني
