******* ليه مرسالى ماوصلشى *******
بعت لحبيبى كام مرسال
ولسه مرسالى ماوصلشى
وكتبت بدمعى كام موال
وعن أحواله معلمشى
ومشيت ع الشوك كام مشوار
ولسه ياخلق أنا بمشى
ومين يوصله مراسيلى
وأنا خلصت مناديلى
ودى حياتى ياخلق بجد
وأنا صاحى مبحلمشى
بكايا لهيب على خدودى
وأنينى حزين على عودى
ودمعى ناره بتكوين
وداب معاه كمان رمشى
ومين يسأل ياناس عنى
وحبيبى راح ياناس منى
ومين يجاوبنى على سؤالى
ليه مرسالى ماوصلشى
قوللى جاوبنى ياطير جارح
ليه بكره أصعب من مبارح
أمانه عليك توصلنى
لأول طريقه وأنا همشى
يانجوم الليل واسراره
ياعود حزين بأوتاره
ياقمر الليل يامسافر
ليه مرسالى ماوصلشى
ياطيور يامسافره بأمانه
ياجراح وساكنه حوانا
قوليله عن حنين قلبى
وليه قلبه مايرحمشى
===================
كلمات الشاعر الغنائى * عيسى عبدالرؤوف
