(نمنمات حداثية)
(1) خدِّى
لو تصبَّح
تلقى ورد الدنيا فوقه
بيناديك
(2) فوت وسلِّم
قلبى باحكى لهم عليك
(3) خمر ثغرك
خلا روحى ف دنيا تانية
قولى امتى
راح هاترجع
ليَّه تانى
(4) تاتش روحى
منتظر روحك تلامس
تفتح الشبكة بقلبى
(5) الهاكر ..
لو بايده لقلبى شفرة
مش هايقدر يخترق
حبى ليك
(6) ابعت الاحلام بلوتس
وافرز النغمات بروحك
وارمى نوحك
خلف ضهرك
وانسى صاحبى تقول لى دايما
كلمنى شكرا
(7) نغمة شاردة
تدخل القلب بعسلها
ولا نوتة منها يهرب
فوق سفينة الرياح
(8) جيب لى رابطك
أقرأ الاحوال عليه
ليه تفكر
إن قلبى ضعفه وارد
وان حرفك
كون بوسعه
كله تيه
وان مطلوب غصب عنى
المشاركة
, ألف اعجاب تدعيه
ليَّه رأيى
وليه احساس يبنى خطوُه
وعقل يعرف
اللآلىء
واللى مارىء
واللى حاسب انه مبدع
رغم انه بادَّعيه
المرابى
مش عرابى
واللى قدِّس
روحه تعلى فوق سمانا
طير بزقزق
نسمة حلوة بين عنيه
الشاعر وحيد راغب

تعليق