الشاعر المصري / احمد ابراهيم
فى قصيدة ( وسمحيني )
************************
هاعدي بحرك المجنون
وهرحل عن سما كي بعيد
انا العاشق وقيس مجنون
بتحرقني الاهات وتذيد
واه منك يا بنت النيل
انا العطشان
لحبة مية تملي الايد
واشرب منك
السكر أمد شفايفي ترويني
وتسقيني ولون المية متعكر
على ايديكي وانا الدايخ
مابين دربك حواريكي
ومتشعبط على موجة لياليكي
حولت سنين يا بنت النيل
حولت كتير انا ارضيكى
واكون درويش
وسايح بين اراضيكي
أكون البسمه والرسمه
أكون قصه ف حكاويكي
حكاية فرح بالاشواق
أمد ايدايه واطويكي
مابين ضلعي الضعيف وخريف
وريح مجنونه ترميني
أشد عنيه لعنيكي
وأقول هاتي تقولي مافيش
ولا نظرة وانطق بلسان حالي
يا بنت النيل حرام عليكي ترميني
واه منك يا بنت النيل
واه منك يا بنت النيل
**********************
بقلم الشاعر المصري / احمد ابراهيم