بقلمي / محمد البنا

Mohamed Elbanna

الفقـــرة السابعة

فاطمى يا بنتي بقوللك تاني
حطة إيدك كده على خدك
مش عجبـــاني
إنتي وليّـــه...
لكن برضه ليه مش حاسّه
إنك ست شديدة قوية
وياااما الصعب ده عدّى عليكي
ولا يوم همّك
مانتي الصبر بيجري ف دمك
المرادي ليه خسّعتي
ليه فاكرانه بأنك ضعتي
فيها إيه يعني !! هريدي ساب شغلهُ
ماهو ف بلدنا ملايين زيّه
من غير شغل
كده متساوي وزي الكل
لكن عارفه
الأشغال ف بلدنا دي ياااااما
ينسى بأه شغلة المنادي
ويفتح سرجه
أو يشتري عربية فول / ينزل جرجا
ف الصبحية يبيع الفول
وأما الدنيا عليه هتمسي
ع الكورنيش هيبيع الفل
أو دلالة ف سوق سيدي مرسي
ما دام ما قابلشي
لكلب السلطة يقولوا يا سيدي
وآهي مقضية
كوني يا فاطمة داره وسنده
جاية عليكوا أيام صعبة
مش هتلاقوا يا بنتي الميه !!