عبر العسل
................
عبر العسل يحليلك بُقك
أما البصل يَبَكيك و يُحقك
و يفضل ينكد عليك
و ريحتُه ف إديك و حواليك
انت فين يا عسل تيجينى
و تصْلِحْلِى حياتى و دينى
تغنى و ترقص و تشجينى
انت فين يا عسل تيجينى
و تلبسلى كمان بِكينى
أما البصل بيبَكينى
يا حلاوتك بالفطير و الجبنة القديمة
لما ترضَى بالقليل و تعْمِلْلِى قيمة
أما البصل عايز لحمة على طول
و قليل إن رِضِى بالعدس و الفول
عسل ابيض و لا اسود
كفايه انك عسل من جوه
عسل ابيض و لا اسود
عندى هوه هوه
و يا سلام لما اخد منك لحسة
من غير كلام و ابص ف عيونك النعسة
أما البصل بيزق
و ريحتُه وحشه ف البق
عبر العسل الله يعسلك
أما البصل يكفنك و يغسلك
و يمشى ف جنازتك و يشكى
و يفضح جوازتك و يحكى
انت فين يا عسل تلزق
أما البصل بيعض و يمزق
أه و الله بيعض و يخض
و يجيب داغك الأرض
و الغريب إنه بصل و فاكر نفسه عسل
إيش جاب لجاب على رأى المثل
يا حلاوتك يا ام اسماعيل
هو رِضِى عنك من شويه إبراهيم
...................................
محمد أبوالمعاطى
.......................................