فى الميناء
=======
وانا قاعد هناك فى الميناء
باحمى احلامنا وامانينا
لمحت هناك عروس البحر
بتغازل وبتشاور لسفينه
وقلت دى اكيد
سناره او شبكة الصياد
او جنيه ومحتاجه لحنيه
وانا فى الاصل العاشق لحنيه
وقمت اجرى وراها بالمشوار
وسبت احلامى ويا مواعيدى
على الشط فى قلب من فضه
مربوط بعقد من الياسمين
فى سفينه نوح ومسروقه
من الميدان مع القبطان
وروحت وراها وانا
الطمعان فى انسيه
علشان كده جريت
ورا الجنيه اسقيها حنيه
فى لحظة اثم وفى بحر ظلام
لكنها طلعت حبيبتى الانسيه
تعلمنى معنى الطهر فى نورالشمس
وبعين بتلوم و زعلانه
وغجريه وعيونها سحريه
وبتعاتب على غدرى بحنيه
وانى سبت احلامنا مع القبطان
وقالت ارجع بسرعه وشوف
عملت ايه فى حبنا البادى
واحلامنا ويا امانينا
راحت مننا فى زحمة الطوفان
ويا قلوبنا المشتاقه لحنيه
واننا نعيش بامان
ولا لسه القبطان بيدور
على مكان فيها يدفنها
بلاها امانه مع قرصان
وسارق سفينه بحالها
وانت بتديله بغباوه
قلوبنا الصافيه يمحيها
واسمه بيحرسها
انت بقيت مجنون
ولا عادش فى الدنيا
حاجه اسمها اخلاص
وبتقولى ان هواك مخلص
لا كفايه كدب على تدليس
وسيبنى اعيشها بحريه
وكفايه بقى اخلاص
=============
بقلم ///محمد العليمى///

تعليق