.......أنا........
أنا حد بسيط أوي جدا
أنا واحد متشعلقه أحلامه
أنا حد حنين بعض الشيء
ودايما يستحمل ف آلامه
أنا حد الحزن مبيفارقهوش
والضحكه غريبة عن أيامه
أنا دايما حابب إني أكون
زي الطير عايش ف سماؤه
زي العصفور دايما صوته
بيلملم حواليه أحبابه
زي الأشجار بتكون ملجأ
لطير هاجر من أوطانه
انا حد بسيط اوي جدا
انا قلبي صغير ع الأحزان
انا نفسي اعيش وانا مطمن
ولا عيني تدمّع قبل اما انام
انا دمعي قريب من عيني
و انا مش بتطمن للايام
انا واحد هارب م الواقع
سارح في سراب الأوهام
عايش ف حياته ومش داري
لا امتي بيصحي ولا ينام
عايش ف حياته ومش داري
لا امتي بيصحي ولا ينام
الشاعر /عبدالله رمضان عبدالله
#عبدالله_الأمير
أعجبني
