عودة شاعر
==============
أنا شاعر مات بين الكلمات
ولا وهم عاش حبة ساعات
أنا ضحكة كانت بين الآهات
ولا شمعة والعة فى الظلمات
ولا من يومى بيودع الحاجات
ولا كنت بزَيف المصطلحات
وأصحابى إستحملوا التفاهات
وخطواتى تقيلة فى الطرقات
يا ترى إيه اللى جوايا مات
ولا أنا مخلوق مع الأزمات
مفيش فى تاريخى إىَ إنتصارات
ولا كنت الأول فى أىَ حسابات
بلاش أأسى على نفسى وأبات
أفكر فى الهموم وأعيد اللى فات
مشيت خطاوى ألم وذكريات
ونسيت حظى من المنابات
لازم أغير تاريخى وكل الحكايات
وأزوقها زى اللعب فى الفترينات
وأحط شوية أمل عليهم أبتسامات
وأنسى الجرح حبة وأمسح العلامات
وأكتب كتير شعروحكاوى وشعارات
عن أحبابى عن أصحابى وكل الحاجات
عشان أنسى الحزن والدمعات
وأعيش تانى وأصلح المصطلحات
وأصحى أشعارى وبيت كان مات
أنا شاعر وعندى كل الأحساسات
وهأوم أكتب عن الحنين والآهات
وأغنى لنفسى وأقول سلامات سلامات
=========================

أيمن طه

تعليق