لو كل واحد فينا يريح قلبه
نصيبه راح يجيله لغاية عنده
و يقوله شبيك لبيك
أنا اللى بعتنى ربى إليك
لما أخلصت له و كنت عبده
لو كل واحد فينا يريح قلبه
يا بنت يا حلوة انا بحبك
و نفسى اكتبلك عنوة تهز قلبك
لكن الأحلى هو ربى و ربك
لو ذكرته فى خلوة ذكرنى عندك
يا صاحب المال مالك بيشدنى
و نفسى اجيلك و اقولك ادنى
لكن ليا رب بيحبنى و يودنى
لو سألته أعطانى اكتر و عزنى
أه من ذل السؤال
زى البول فى السروال
و اللى أعطاك يعطينى
و اللى غطاك يغطينى
و لا انت طينك غير طينى
عشان اقولك اعطينى
أنا ليا رب واحد
بإيده الأمر كله
إن ما عبدته جاحد
و شفت الهوان و ذله
................................
محمد أبوالمعاطى