حمام الغية
قول ياحمام الغية
ياللي تحب الملاغية
هو أنت بجد حاببني
ولا الملاغية دي غية
تتمشى بكل دلال
وتبص يمين وشمال
تغمزلي برمش العين
أغزل فى عنيك موال
ياجميل يابوغمزة تجنن
غلبت أدادي وأهنن
حن عليا يا روحي
أو رد وقوللي يحنن
ياإما ياحلو تجيني
تراضيني ياحبة عيني
وتقوللي أنا دايب فيك
ياتبطل تلاغيني
وندر عليا ياغالي
ياحمام طاير فى العالي
لو جيتني تغني غناك
راح أغني معاك أوبرالي
تعلالي ياحبيبي تعلالي
ياللى إنت ماداري بحالي
إزاى أنا أعيش من غيرك
دي العيشة معاك تحلالي
تعلالي وحكم قلبك
وإعرض لي كل مطالبك
وقبل ماتسأل أجاوبك
فى شرع الله أنا طالبك
بقلم طارق السيد