أفكارك لسه بتتصارع على نحت قرار
ومحيد قلبك ومصمم تلغي التأثير
أنا عايز اقولك م الاخر ان انت حمار
لو قلبك ساب اللي يحبك من غير تفكير
من غير الحب الروح حارة ولا جورة نار
والروح إن سخنت تتعود بقى على التكسير
لو هو الحب ماهوش منحة والحب عمار
كان ايه هيخلى اللي يحبك يتسنى كتير
طب قولي و فند من فضلك ايه الأضرار
ولا انت أساسا ماعرفتش للحب سبيل
مستغرب جدا بصراحة من دي الأفكار
قال ايه مايخدش اللي صاحبها علشان بيغير
ويدور على واحده جديده بعزم واصرار
أهي دي بالذات صاحبة غيرك يا ابو قرن وديل
