موال الحق و القوة
......................
الموت و الحياة
و كل شيئ بيَدِ الله
كل شيئ بقدر
ما تخاف من أى بشر
النعمة من عنده
و النقمة من عنده
خليك بس عبده
و اوعاك تعانده
و ادعوه يرفع عنك
أه و يزيح همك
و يزيدك من فضله
و البشر نفض له
نفض له ودانك
و اسمع لقرأنك
و شوف ربك بيقول ايه
ايوه و امشى عليه
مش راح يضرك اللى ضل
طول ما الإيمان ف قلبك ظل
و السر مش فى بير
ربك قوى و كبير
و اللى من دونه صغير
ما تتحير لو اتغير
و لا تتحايل عليه
و لا تقوله كده ليه
ربك قادر عليه
بس انت روح إليه
السيسى و مش السيسى
ربى هو رئيسى
ان سمع كلامه على دماغى من فوق
و ان بعد مات فى قلبى الشوق
كلمة الحق و القوة
لا إلهَ إلا هوَ
اعمل بيها و خليها جوه
لا إلهَ إلا هوَ
ما تخاف من سجن و لا سجان
ما تخاف من إنس و لا جان
و اوعى فى يوم تكون جبان
بعد ما الحق ظهر و بان
و قول سبحان الله و بحمدِه
الخير و الشر من عندِه
و عمره ما كان على عبدِه
لو استغفره و رجع لصوابِه و جَدِه
و المؤمن القوى خير من الضعيف
و مفيش غير ربك قوى و مُخيف
الطف بينا يا لطيف
و ارزقنا و زِدنا عفاف و عفيف
خلى عندك يا مؤمن إقدام
ما تخاف من موت و لا إعدام
و قول كلمة الحق لله
و اعمل للأخرة هى الحياة
..........................................
محمد أبوالمعاطى