سفينة نوح
يا فاتحه الشباك ع الغربي
من الشرق شقي الباب وادعينا
واغلي ع نار الشوق قهوتنا
رشفه من اشفافك بتكفينا
سرحي شعرك ع مرآتي
وكحلي عيونك لتغرينا
وسمعيني اعذب الالحان
وادعي لتتحقق أمانينا
وخلي الفجر يتأخر شويه
حتى يشفى جرح ماضينا
ونامي في موسوعة الاحلام
تا نقطف من الصدر أمانينا
خلي غدانا مع صلاة العصر
حتى يكون الجوع كاوينا
وان كان ما عندك حلو موجود
كنافه من الخدين حلينا
وننزل قبل م الظلام يفوت
نوصل ع شط البحر ع المينا
نركب سوا في سفينة نوح
حتى من الطوفان تنجينا
ونروح مع موج البحر لبعيد
ويصير يخغضنا وعلينا
ونعود بعد الموج ما يرتاح
ل بيتنا وتحلى ليالينا
شيخ الشعراء
احمدالاعرج
بيت لحم فلسطين
نيسان
