--------ابن الطريق------ قصة شعرية قصيرة----------
شوفو العجب ياناس
هحكى حكاية بطلها وسواس خناس
فى يوم طالع من شغلى
ومن هموم الدنيا فكرى محتاس
وماشى فى طريقى ببص فى وشوش الناس
سمعت صوت عيل على الارض خلاص هينداس
فى شنطة سودا من بتاعة زبالة الناس
وطيت علية وقلبتة شمال ويمين
لقيت النمل عامل علية بدل الوليمة وليمتين
وكان بدمة ماهو يدوب من ساعة او ساعتين
نظفتو وفرحت بية وجريت
وعلى ام العيال رحت على البيت
فرحت بية ولصدرها ضمت
وسئلت نفسى يابنى انت اية جنيت
ولية امك فى الطريق رميت
ولا الندل الى بسببة انت جيت
ياترى دى وزة شيطان
ولا من كتر العيال انت هاويت
يالة انت ونصيبك المهم شرفت البيت
وسنة ورا سنة كبر وسمناة مصطفى
على اسم الحبيب الى بذكرة القلب يطيب
ودخل المدرسة واتعلم
واصحابة منة الاخلاق تتعلم
وصار مهندس كبير
بين العظماء لة شئن خطير
واهو مصطفى حب وطب بنت راجل كريم
وكان اسمة الحاج عبد الكريم
ورحنا وخطبنا بنت الاكرمين
وكانت الصراحة راحة لكل الحاضرين
قولت لعبد الكريم حكايتة فى كلمتين
قال يا مرحب كفاية انة متربى زين الزين
واقمنا الافراح واليالى الملاح
ودى كانت حكاية كتبها رب العالمين
وارجع واقول يا بنت الاصول يالى للشرف صاينة
اياكى والحرام ولا تكونى للغلط مايلة
دة ربك موجود وبعدلة مالى الوجود
وحسابك عندة ما تغفرة طول العهود
-----------نبيل الشضاوى---------------