ف إيدينُه تلات ورقات .. والناس .. مستنيات
واقفين .. جماهير طوابير .. والحلم .. عريض وكبير
ف ورقه .. بين الورقات
ناس .. بترمي ف رهانات .. وناس .. شغاله هتافات
إللي مستني الصوره .. وإللي نفسه ف سنيوره
تظهر .. بين الورقات
وصاحبنا شغال حركات .. ولا همُه أى إنتكاسات
ف الناس .. عمَّال بيغشْ .. وبيحلف .. ويقول معلشْ
دي الصوره .. بين الورقات
حركاته .. نصبْ في نصبْ .. وبياخُد بالرضا .. مش غصبْ
والناس .. ياعيني محسوره .. لا في صوره .. ولا سنيوره
موجوده .. بين الورقات
وكل مايكدب .. ويهنكر .. الناس تتلم .. وتتكتر
إستهووا دور إستهباله .. ورضيوا بالحال على حاله
والتوهه .. بين الورقات
يا ناس ماتصحوا .. تفوقوا .. لو إتشقلب من تحتُه لفوقه
معهوش ولا حاجه .. يديها .. ده غصبٍ عنه .. مقضيها
ورقه .. بين الورقات
في كبير .. ويكبر عنُّه .. بيحركْ .. ييجي 50 منُه
وإنتوا .. واللي زيُّه وناسُه .. رضيتوا .. تكونوا مداسُه
وسلمتوا .. ليه الورقات
أشعار .. محمدعلى النقلى
أعجبني
