《الحلم فينا بيتسق》
الحلم فينا بيتسرق
و الحبر شطب ع الورق
و الظلم أصبح ع الملأ
فين حقنا
الطفل مات و من الغرق
و الباقي ف النار بتحرق
و الشيخ بيقرا في النبأ
بيدعي بس لربنا
لعبة كراسي و فيه سبق
لجل القصور كله ف قلق
إقتل و قول إنه إتخنق
و شهادته جاهزه عندنا
بشار جبان ماهوش أسد
و الدم يشهد و ف حلب
و روسيا ليه تعمل سند
متردوا عليا يا عرب
بشار خلاص ليهم سجد
و بعقد بيع ليهم كتب
أرواح كتير مالهاش عدد
و الذنب إيه من غير سبب
الدم أصبح للركب
و النار بتاكل ف الحطب
بشار كأنه أبولهب
عمال يدمر في البلد
آه يا زمن كله عجب
الصمت كان حال العرب
و إوعى تنادي يا ولد
إلا على الفرد الصمد
