مش قادر
تعبت ياناس تعبت خلاص
أنا ياحبابي خلاص مش قادر
عهد عليا إن ترجعوا ليا
ماتسمعوا مني ف يوم غير حاضر
غصب عني قلبي الدايب
دايب فيكم قوي ياحبايب
حنوا عليا ياكل ماليا
ولا ماليش في الحب أنا نايب
ليه ياحبابي أنا هنت عليكو
دا انا ميت في تراب رجليكو
ليه سيبتوني في وسط الريح
وإنتم عارفين روحي أنا فيكو
زيح ياربنا غمتي زيح
مش بإرادتي عشقت الورد
وعيب الورد شوك التجريح
فين الطيبة وفين الرحمة
تاهت منكو ف وسط الزحمة
ولا مهياش مولودة فيكو
سامحوني عيبي تملي صريح
بقلم طارق السيد