إوعى التوك توك وخلى بالك
خبطه منه تغير حالك
ويقولوا دا عيل معلش
وفجأه فى المتاهات هتخش
اشعه وجبس ومسامير
والوف م الجنيهات هتطير
لا رخصه ياعم ولا نمره
وعيال شاربه وشامه جوله
آلة تكسير البنى آدمين
بيسوقها عيال ست سنين
بييجى من وراك ويطصك
ومن قدامك كأنه قاصدك
واحد صاحبى خبطه توك توك
وجرى وسابه واقع متفكك
ومحضر ضد مجهول
واحفظ يا حضرة الصول
الراجل من يومها ضاع
وبدأ مع الدكاترة صراع
فيلم وبيتعاد يوماتى
والشعب بيصرخ ويهاتى
مدام دخلتوه وهبرتم
وفكل شوارعنا نشرتم
اعملولو رخصه وارقام
والله سكاتكم دا حرام
وطبقوا عليه القوانين
كفايه سايبينهولنا سنين
يوماتى بيكسر فى الناس
وانتو معندكوش احساس
منير خاطر