موجوعة
ابعد بعيد وخد معاك
كل الوجع من فوق جبيني
حطمت جوايا الامل
وبعدها جاي بتناديني
حط الصدا علي سكتي
علي كل احاسيسي وحنيني
كفاية عليا عزلتي
جاي تعصر الباقي
ف سنيني
الصمت جوايا اتكسر
وحروفي رافضة تحتويني
اوراقي قابلة للسقوط
وخريفي جاي وبيلاغيني
عديت سنين المستحيل
لأجل ما تيجي وتجاريني
لكن غرورك حولك
بتبيع وبتقول لي شاريني
غرزت شوكك في الضلوع
وحصدت انا قسوة آنيني
وسفينتي تايهة ف بحرها
والشط رافض يوم يجيلي
ابعد بعيد عن دنيتي
دي دنيتك ضاقت ف عيني

#‫#‏مرفت_حمودة‬