ولاد مصر
إحنا ولاد مصر الجدعان
زندنا زند أبو الفرسان
يوم مانقول كده قد القول
مايهمنا من دولا ولا دول
إللي بيجي علينا نشله
ونشل الدفش إللي ف شله
نجيبها يوميها عاليها واطيها
إاللي يحط علينا مانحله
ماحناش ناس ظالمين وجبابرة
لكن وقت الجد زناجرة
نزنجر ع اللي بيطمع فينا
ويجرى ساعتها مهما مايجرى
مانتعداش ماحناش أوباش
الجدعنة والأصل مالينا
أسود بتسود في زمن هبيشة
مايقدروا أبدا يهبشوا فينا
إسألوا عنا وحوش الغابة
إذا كانو ضباع أو حتى ديابة
إللي شايف نفسه يورينا
يتشقلب لنا ويسلينا
إذا كان ديفيد أو مارشيلو
أو إبن لئمة أو إبن لذينا
او كان تحت قوام ننزله
وإذا كان فوق ينزل ونذله
نشد ودانه نقص لسانه
وبعد لقانا يخاف من ظله
بقلم طارق السيد
أعجبني
