سمعت كلام الاغنيه
واتعلمت انا منها كتير
ان الدنيا رضيا وفانيا
مبقاش فيها ياعالم خير
حتى الخير راح ومجاش
مش ساكن ف قلوب الناس
والمدام الى حماها
اخرتها وخداه مداس
همه ينفذ كل كلامها
شكله ضعيف اوى قدامها
وأيه ذنب أمه يهينها
ده المفروض ف عيونه يشيلها
رمى امه يا عينى حرام
ف دار لكبار السن
امتى قلب الواد هيحن
نازلة دموعها زى الانهار
م التفكير فيه ليل ونهار
وف يوم راجع الشملول
زى عداته
لقى صاحبه بيسلى مراته
شخطت فيه ياللا اطلع بره
أنا بحياتى عايشة وحرة
اعمل اللى انا نفسى فيه
من غير ما اخد رأيك فيه
والبيت دلوقتى اهو ملكى
ومحدش يشاركنى فيه
للى بيتعب أمه وتشكى
انا بقه اللى ها اوريه
هانت عليك أمك ياجبان
لازم يومها عيونك تبكى
ما خلاص سقط فى الامتحان
اللى بيكرم أمه بيسعد
واللى يهينها ، أكيد يتهان
واللا نسيت قول الرحمن
الأم ذكرها ف القرآن
خلى الجنه تحت اقدامها
كرمها رب الأكوان
ياله بسرعه روح وصالحها
دى أبسط كلمه تفرحها
خد رضاها / وكمان دعاها
دا لو فعلا / اسمك
ف شهادتك انسان
لجل ماتضمن
عند وفاتك جنة رضوان
