مشاعر جميلة
الربيع
*****
أدي الربيع بالفرح أهو جانا
والدنيا أهي فرحت ويانا
فتحي يازهور وأنشري عطرك
وإسعدي قلب إللي يحبك
غردي ياطيور يالا معانا
وأرقصي من بانا لبانا
دي الدنيا أهي فرحت ويانا
والشمس سطعت في سمانا
ع القلب . وزفت لوقيانا
فتحي يازهور
غردي ياطيور
وأرقصي من بانه ل يانه
دي الدنيا أهي فرحت ويانا
والرب مِبارك دَعوانا
أدي الربيع وأدي هلاله
بالحب أهو جه دفانا
ياورده روحي لحبيبي
قوليله أنا دايما بدعيله
أشوفه فرحان متهني
سعيد دايما ويغني
و أدي الربيع أهو جانا
يارب حقق لوقيانا
ياشمس هلي ونوري
وعلي الحبايب دوري
وروحي بلغيهم
إن روحي هايمه فيهم
وفي الليل بتناجيهم
و قلبي مشاق إليهم
وما ينبض إلا بيهم
وأبداً ..
أبداً ما يوم نسيهم
وياشمس بلغيهم
إن خوفي وقلقي عليهم زاد
وإن الربيع من تاني أهو عاد
وقوليلهم كفايه بعاد
كفاياهم م العناد
وأمانه ياشمس علينا ماتغيبي
وروحي وسلمي علي حبيبي
وقوليله يإللي عني بعيد
البعد ما راح يفيد
دا صورته في عيوني
حضناها بجفوني
وإن مهما كان بعيد
عني أبداً ما ببغيب
وإنه في قلبي ومني قريب
أقرب من حبل الوريد
ولوقانا دا قسمه ونصيب
صفاء عبد ربه
أعجبني
