------دنيا بالف وش --------
كل حاجه يادنيا فيكي
لحظه حلو ولحظه مره
بايعه للي بيشتريكي
ناسيه خيره قوام ف ثانيه
تدي للي مايلزموش
فرطه ايد و بدون حساب
واللي عاوز لو قروش
راح ياخدهم بالعذاب
رافعه للي باع ضميره
واللي جرح ف القلوب
واللي داس علي قلب غيره
واللي مليان بالذنوب
واللي عاش فيكي بامانه
وخاف لا يوم يظلم بشر
ماالتقاش غير الاهانه
صدقه ذنب لايغتفر
دنيا محتاجه لوشوش
كل يوم بيعوزه له وش
فيكي ناس مابيختشوش
لما تشخط فيه يكش
دنيا رافضه وش واحد
دنيا عاوزه الف وش
----------دنيا بالف وش-------
بقلم
خالد الكردي