خلاص صلينا التراويح
الشيخ خلصها كالريح
بينا على قهوة عنتر
نشرب حجرين ونكركر
حلوه السهره فرمضان
شهر الخير والغفران
هات يابنى الشاى والشيشه
خلينا ننسى العيشه
وهاتلى علبة سجاير
نشربها كدا ع الطاير
وأحسب بالتباشيره
ومتنساش حق الجيره
ونظم قعده ع الشارع
فطران فته وكوارع
هات سحلب واتنين شاى
وقيدع الشهر الجاى
والدومينو نلعب عشره
الدش مينساش العشره
والخسران عليه الطلبات
يدفعها من سكات
ويخصم مصاريف بكره
الراجل دايما عتره
الست متسمعشى كلامها
ادبح قطه قدامها
يابو أحمد اعمل ايه
معاييش غير نص جنيه
والوليه لسانها طويل
متناديليش إلا يا عويل
شوفلى معاك خمسه جنيه
أدخل بيهم وانا بيه
منير خاطر