مفاتيح الخير
الله الرحمن الله رحيم.حمدا لله رب العالمين
الله مالك يوم الدين. يهدينا صراطه نوصل سالمين
الله ينور عللى ينور ضلمه بشمعه
الله يوعد اللى بايده بيمسح دمعه
الله يسعد اللى بيسعد قلب حزين
الله يرضى اللى بيهدى الناس للدين
الله يكرم اللى فى زنقه بيكرم جاره
الله يقوى اللى فى غضبه بيطفى فى ناره
الله يحسن للى بيحسن عالغلبان
الله يستر اللى بيكسى فى يوم بردان
الله يسلم اللى اتكلم قال الحق
الله يمن عللى يحن وقلبه يرق
الله يداوى اللى يداوى جروح الناس
الله يساعد اللى يباعد فاس عن راس
الله ينصر اللى بينصر خير على شر
الله ينعم عللى فى يوم لشيطان مانجر
الله يرحم اللى بيرحم كل ضعيف
الله يرزق اللى يقاسم صاحبه رغيف
الله الرحمن الله رحيم. حمدا لله رب العالمين
الله مالك يوم الدين.يهدينا صراطه نوصل سالمين
الله يعفى عن اللى بيعفى فى عز القدره
الله يبارك للى فى صحرا بيزرع خضره
الله يأمن اللى يأمن ملك الغير
الله يجعل كل خطاوى رجليه فى الخير
الله يجبر خاطرجابر خاطر غيره
الله يجازيه ويذيده كمان وكمان من خيره
الله يفرج كرب مفرج كرب عبيده
الله يحفظ اللى بتمنع منكر ايده
الله الرحمن الله رحيم .حمدا لله رب العالمين
الله مالك يوم الدين. يهدينا صراطه.نوصل سالمين
اللى بيزرع خير بيداه
فى حساب الآخره حصاد يلقاه
واللى بيزرع شر... حواه
شجر الزقوم راح يبقى دواه
ان شوفت أخوك بيشد الحبل فى يوم.ارخيه
كان الله فى عون العبد ان كان العبد فى عون أخيه
الله الرحمن الله رحيم حمدا لله رب العالمين
الله مالك يوم الدين. يهدينا صراطه نوصل سالمين
مفاتيح الخير بتقول للغير.
ربنا واحد ومالوش غير
ان كان فى المسجد ولا كنيسه
ولا فى معبد ولا فى دير
يا كل شعوب العالم اتحدوا.
اعبدوا رب العرش لوحده
توبو وآمنوا واعملوا صالح.
دنيا وآخره معاكوا تتصالح
الله الرحمن الله رحيم .
حمدا لله رب العالمين
الله مالك يوم الدين.
يهدينا صراطه نوصل سالمين
بقلم طارق السيد
