رمضانيات

@@@@@@@@

أول ليله ف شهر الصوم

تلقي الفرحه طول اليوم

اللي يفكر يلعب ضمنه

واللي يقضي اليوم ف النوم

واللي يبالغ ف الافلام

واللي تشوفه تقول محروم

يصرخ لما يشم طعام

أه لو ريحة حبة ثوم

تلقي يا عيني الواد بيفرفر

نفسه يطير ع الاكل هجوم

واللي قاعد مستني سيجاره

عمال يحلم طول اليوم

واللي يقولك سلي صيامك

علشان دغري يعدي الصوم

دا فلان قال دا فلانه قالت

نار بتمر علي البلعوم

تحصد تاكل ف الحسنات

أكل القطه صغار البوم

واللي يخاف علي نفسه الذله

لما يلاقي الفتنه يقوم

واللي يقول محتاج لأجازه

انا مش ناقص تاني هموم

إزاي يعني صيام ف الحر

وافضل طول اليوم محكوم

واللي يقضي صيامه أغاني

طول اليوم مع صوت كلثوم

واللي يتابع ف الفوازير

نفسه يلاقي فلوس بالكوم

واللي تقضي اليوم أكلات

إشي بسبوسه وإشي مبروم

تحفظ من كشكول فتكات

إزّاي تحشي وبالمفروم

لأه يا سيدنا لأه يا حاجه

رمضان شهر عباده وصوم

رمضان يجي تفرغ نفسك

تمشي معاه ولآخر يوم

تقدر تجمع فيه حسنات

تقدر يوم الحشر تعوم

رمضان فرصه ف الجنات

إنقذ نفسك قبل اللوم

اللي يضيع شهر الصوم

هو الخاسر والمحروم

@@@@@@@@

بقلم // طه إبراهيم