ضرب المدفع و أذن المؤذن آذان المغرب وقـال الله أكبر

قلت الحمد لله وسميت وقربـــت من الأكل علشـان أفطر

أكلة على القد بس الجوع بتسد يعني لامؤاخذة مش منظر

وراضي عن حالى رغم ان احــوالي تخللي الصايم يـــفطر

برضه الحمد لله فى ناس تانية مش لقـياه يعنى مش بنتبطر

وعارف في ناس تانية برضه من الفجرلسفرة الفطار بتحضر

إشي محشي وإشي مشوي وحلــويات تخـللي العــقل مايفـكر

ودي فخدة ضاني وكفته وصـــواني بس مين على كل ده يـقـدر

والحمد لله على قعدة طبلية ولقمة هنية وربـــنا نحمد ونشكر

وكله بيتساوي الفول زي الخروف بس المهم علينا ربنا يستر

ومش مهم الكتير دي البركة في القليل وكـــله برضه بيدبر

محمد ابو الفتح