شيل شنطتك يا غريب
وروح على بلدك
الدنيا قسم ونصيب
ورزقك جاى لعندك
القعدة وسط الولاد
أحسن من الملايين
والغربه فى آخر البلاد
تضيع سنين وسنين
مرزوق ساب ولاده
ومعاه السلطانيه
ولما ربه زاده
قال كفايه كدا عليه
بتقول شهور وتغيب
وتضيع سنين عمرك
فى بلاد لا فيها حبيب
لا اهلك ولا ولدك
الآآآآه لو توجعك
تردها الجدران
لا أب معاك يسمعك
ولا أم تدى حنان
إرجع لناديه وحسين
ومراتك ست نبويه
لغيرك مش محتاجين
ولا م الألوف ميه
