لسه عايش صدقينى
فى كل حبة تراب
لسه كل شارع فيكى
شايل كفنى على الكتاف
لسه صوتى فيكى عالى
ومش هيبطل يوم هتاف
عاشت مصر وتحيا مصر
ولو اصبح جسدى فتات
عشت حامى الارض فيكى
ما قبلت فى يوم السكات
كان فى قلبى نسر جارح
وفى حضنك كنت ملاك
كنت خايف يوم تقولى
ابنى ما حماش اللى فات
كنت شايف فيكى ظلة
تحت شجرة والقلب مات
صدقينى فرح قلبك وابتسامه
فوق شفايفك حلم عمرى
حلم اقوى من الممات
لسه عايش صدقينى
طول ما اسمك فى السما
وبين ايديكى شيله صورتى
وعليها كتبو راح فداكى
فدا ارضك فدا عرضك
راح وكان فى نفسو يكون
شهيد ومات
بقلمى علاء مسعد
