كنت ماشي والدنيا زحمه
قابلني راجل كبير مُسن
لا حد شايفه وف الدنيا تايه
وجوه عيونه دموع تٍئٍن
جريت عليه
ودموع عنيه
راسمه في وشه
احزان ياعم..

سألته مالك.. إيه جرالك
قوم ياعم..أُصلب طُولك
قاللي يابني.. دا قصه كبيره
بدايتها كانت.. ابن في دورك..

لما كٍبر.. كٍبر عليا
ولا عدت عاجبه وسط الناس
قاللي موت.. احسن ليا
وخده مني شيطان وسواس..

ضهري اتحني.. لما كبرته
وعلام علمته من عرق وكفاح
نٍسي .. كل سهر لياليا
وليالي تعب من غير مارتاح

والنهارده..قاللي انت.. عٍبء عليا
ولسه أنا داخل في جواز
سيبت البيت شقيت طريقي
ولا قاللي استني ابو قلب فولاذ

عدت سنه..وسمعت إنو 
في المحاكم كل يوم
رافعه قضية طلاق علي ابني
روحت عنده..سمعت منه
ولا قولتله.. كلمة لوم
واقفت جمبه..وكنت في ضهره
ومن العوزه...قضيتها صوم..

ولما طلق وخٍلص منها
عدت كده شهور وايام
لائيته بقولي يابا هاتجوز
والشقه يدوبك اوضه وحمام
إبن إتشال من قلبه الرحمه
وقلبه ده..حجر صوان...

ماهر البساطي..