إفتح طريق وسكه
عدى الأيام السكه
إشطبهم من حساباتك
عيش الحلو ف اوقاتك
خلينا ننسى الهم
والقتل ولون الدم
حود م الشارع التانى
مليان فرح وأغانى
والزينة ع البلكونات
وصوت زغاريد الستات
وأطفال تلعب فرحانه
من كتر الخير شبعانه
وقهوة عم عصفور
قايده فى الحاره نور
وعم أحمد شعبان
بيوزع ع الغلبان
زيت ورز ومكرونه
والتمر وعلب التونه
وأم حسين اللى قبالنا
جوزت ابنها عقبالنا
عرفت إننا راجعين
جايبالنا تمر وتين
محدش فى أخوه بيعض
وبيحبوا بعض بجد
إوعى ترجعنى من تانى
خلاص بدلت زمانى
منير خاطر