فى الضله وتحت الشجره
ايام الصيف الحاره
تعالى نفرش ملايتنا
ونقعد نحكى حكايتنا
ونفكر فى الجاى بكره
الوقت يجرى أوام
ومنخلصشى كلام
ومنزعلشى ولا مره
واغسل وشى فى النهر
واتوضى واصلى الضهر
لا نسمع أخبار ولا نشره
وغدانا جبنه قديمه
وعيش خابزينه بإدينه
وبطيخه حلوه وحمره
ناكل وأريح ضهرى
فى أحلى أيام عمرى
ولا حرب هناك ولا ثوره
لا حرايق ولا دخان
ولا دمع فى عين إنسان
والناس بيحبوا العشره
لا حرب بإسم الدين
ولا خلق تقولى مجانين
يقولوا علينا كفره
فى الضله تحت الشجره
منير خاطر