سلامات الهوى
======================
سلامك فى الهوى وصلنى
############# وهو الوصل بقى سلامات
ونارى وحرقتى فى بعدك
############# يطفيها جواب من الجوابات
وسهرى الليل مع همومى
############# وأصاحب نجمة من النجمات
وأشكى لها تواسينى
############# وأحكى لها عن اللى فات
عبيرك جوه فى روحى
############# وليه يبقى مع النسمات
وأبص فى عيونك فأبكى
############# من الفرحة وخجلانة من الدمعات
وأحضن قلبى فى قلبك
############# وأدوب فى حلاوة اللمسات
وأنسى الدنيا فى حضنك
############# وأمسح من جواباتك الكلمات
خلاص الكلام مالوش
############# معنى حبيبى هيبدأ الحكايات
نعوض كل أيامنا
############# وننسى الجرح والعذابات
أنا قلت الغرام أصلة
############# مش مكاتيب مليانة بالسلامات
حلاوة الهوى فى قربك
############# وسلامة قلبى فى الآهات
==============================
أيمن طه
