** منولوج مطبخنا فى رمضان **
====================
للمنولوجست الشاعر عيسى عبد الرؤوف
************************************
ليه أول يوم يبقه محاشى
وبشم ف ريحته وأنا ماشى
لو خالف منهم بيت واحد
يبقه رمضان لسه مجاشى
صباع كرومب وصباع كوسه
والبيت مقلوب كله ف حوسه
وكمان قلاش محشى بلحمه
وكأنه ياناس عشا عروسه
وفراخ مطبوخه ومحشيه
وعصير اناناس عاملها سعديه
اكل على طول أنا واتمدد
غطينى وصوتى ياوليه
تعبت ياناس جانى حموضه
مش طايق ولا حد ف الأوضه
ليه بس الاكل ده كله
ليه صبح الاكل ياناس موضه
أتقل وماصليش التراويح
مش قادر والله صحيح
ممدود مش قادر أتحرك
منا جثه وعايزه التصريح
نفسى فى حاجه ياناس حرشه
مش عايز لحمه ولا كرشه
ليه بس ف رمضان مطبخنا
فى لحظه يبقه ياناس ورشه
=====================
كل عام وأنتم بخير
أعجبني
