مين يبدأ
================
كان فى قلبه حاجه ليا
وكان فى قلبى حاجه ليه
أبتدى يبص فى عنيا
وأبتديت أبص فى عينيه
مين هيبدأ الحكاية
ومين هيفتح الرواية
الحنين دوبنا دوب
والحب ساكن فى القلوب
أبدأ أنا ولا عيب
وخايفه حبى فى يوم يغيب
وارجع أندم على الحكاية
والبداية تكون نهاية
قلت زى ما تيجى يله
أنا بحبك والشوق مذلة
قاللى أنا زيك مخبى حبى
كنت خايف تجرحى قلبى
وأرجع وقلبى مكسور
بعد ما عدى ألف سور
حاولت كتير أبيَن لك
ما كانش حبى باين لك
لحد ما قولتى أنتى بحبك
طار قلبى وعقلى من حبك
أنا خلاص ملكت الدنيا
ومش عايز حاجة تانية
خلاص أنتى بدأتى النار
وأنا راح أكمل المشوار
ومن عندك كانت البداية
وعندى أنا باقى الحكاية
=======================
أيمن طه
أعجبني
