عاشق حبك يابلدى
بقلم أحمد صبري محمد عبدالباري الواحى
يا عيون سمره وكحيلة
يا قلوب طيبة وأمير
عايشين فى بلادنا
لكن عايشين متغربين
عاشق حبك يابلدى
وساكن نيلك في قلبى
ساكن وبيجرى جوه
فى عروقى من سنين
بحلم يرجع حنانك
تحضن شمسك سمارك
يانور ساكن فؤادى
عارف معنى الحنين
يابلاد السمر يالى
ارضك رمز الحضارة
شمسك شاهده عليها
وعلى كل العاشقين
بلدى يا حته منى
نفسى اضمك في حضنى
وافرح يوم لما تبقى قبلة للحيرانين
يامصر يأكل روحي
وانتى على فين تروحى
ومين يشفى فى يوم جروحى
ويبقى من المخلصين
ياطيبة ساكنة فيكى
وأصالة مابين ايديكى
وكرامة ما بين ولادك
يا حضانة كل دين
بلدى عاشق عنيها
ورموشها تاج عليها
وسعات ببكى عليها
واحنا متغربين
بعشق صبحك وليلك
واسهر على شط نيلك
وافرح يوم لما اجيلك
بقلوب السهرانين
يابلاد رمز الحضارة
وشباب كله شطارة
عمال يبنى ويزرع
ومصانع شغالين
بقلم الشاعر / أحمد صبري محمد عبدالباري الواحى