آن الآوان
آن الآوان يابلدي
تفنجلي ف عنيكي
ليه تسيبي الدود يابلدي
براحته يرعى فيكي
آن الآوان يامصر
ياست كل عصر
يابلد النيل تشوفي
مين عض ف إديكي
إللي بيجرح فؤادك
ياأمي من ولادك
نازل فيكي سلب
ماهوفيكي البراشوت
واللي قال دي شط
ويرمي فيكي هلب
فيكي إللي بجد حبك
وإللي باع وسبك
وإللي مالوهش قلب
فيكي العاشق صبابا
وإللي زي الديابة
نازل فيكي حلب
يامصر ياأغلى حاحا
ياللي إنتي مستباحة
من كل ديب وكلب
متخافيش ياأمي
فداكي يامّا دمي
يامّا أنا وليدك
وهمك والله همي
مبقاش إبنك ياأمي
إن ماشمرت كمي
ودافعت عن وجودك
بس إنتي يامّا سمي
وضمي فيا ضمي
تتفتح ورودك
وخطي الخطوة خطي
يامّا وإستغطي
بطرحة الآمان
وإستني يامّا حبة
تعيشي يامّا شابّة
مهما يطول الزمان
بقلم طارق السيد
أعجبني
