فطارى بيضه مسلوقه
والفاكهه حبة برقوقه
ومحدش يسألنى منين
يمكن ياجماعه مسروقه
برغيف محمر وبغمس
طعميه مع فول مدمس
ياخساره مشربتش شاى
الكاتل بيكهرب وملمس
خبطت على جارتنا عيشه
ساعدينى ف تركيب الفيشه
لقيتها بتمسح ف المطبخ
بمساحه وفرشه مع خيشه
خبطت على عمى جلال
مهو بيته مليان عيال
لقيته موروط ف خيبته
ومصيبته عايزه شيال
مهى دنيا والكل مشغول
والكل عن بيته مسؤول
ومحدش حاسس بالتانى
والله ياناس مش معقول
====================
الشاعر عيسى عبد الرؤوف
أعجبني
