بإيه أسميكي
**********
إنتِ إللي إخترتي
إنتِ إللي إخترتي طريق تاني
قولتِ إبعد وإنساني
عمر طريقنا ماكان واحد
حاسيت بروحي بتتاخد
قولت أفصل دمي عن دمِك
لقيتِك دايسه ولا هامِك
قولت إزاي بيا مش حاسه
إحساسك مات !!!!!!!!
طب ليه وأنا لسه ؟
هوا أنا كنت مخدوع فيكي ؟
أنا إللي كنت أسهر الليل أناجيكي ؟
وف نومي ماكنت أحلم غير بيكي
كنت دايماً أتاديكي حبيبتي
دلوقتي !!!!!!!!!
مش عارف بإيه أسميكي
إختاري إنتِ وأنا مِلكِك
بس إنسي
إنسي إن في يوم أكون ليكي
أنا أقسمت لأبعد بعيد عنِك
وأمنع روحي تسري ف بدنك
أو تزرغ يوم نبتة ف أرضك
وهاأخنق فيا جنين حبك
قبل مايكبر ويهدد
أيوا عنك لازم أبعد
وإن جه يوم وحن لي قلبِك
قولي له لازم ينساني
ومايكون له معايا أماني
ماإنتِ إللي قتلتيني بغدرك
وقتلتي معاكي أحلامي
قتلتي حب ماله حدود
عدي البحور
عدي السدود
حب ماله في الكون وجود
بس الكلام دا . كان زمان
لما كان بينا لسه أمان
لكن إنتِ للوعود خنتي
والعهود بالرخيص بعتي
أخَدتِ مِني وما إديتي
إشتريتك وإنتِ مابِقيتي
بعتيني وعني بعدتي
سبتيني لوحدتي وحيرتي
كنت بحِبِك ؟
أيوا صحيح
حب نضيف
طاهر وصريح
ومعاكي كنت أتسامح
كنت عليكي دايماً أغير ؟
وقلبي ليكي كان أسير
بس الكلام دا كان امبارح
لما كنت أقدر
أتغاضي وأتسامح
بصي بعيوني
شايفه ايه
شيفاها متكحله بإسمك
حاضنه صورتك
عايشه حلمك
شايفه فيها ايه ولا ايه
شايفه دموع إتحجرت
من قلب مات
وأحاسيسه ليكي إتغيرت
أحاسيسه ليكي إتغيرت

صفاء عبد ربه